Հոկտեմբերի 9-ին Հայրենական մեծ պատերազմի զոհերի հուշարձանում տեղի ունեցավ Արցախյան ազատամարտի զոհերին նվիրված հուշակոթողի բացումը: Բացումը արվեց ԵԿՄ վարչության նախագահ,Արցախի հերոս, գեներալ-լեյտենանտ Մանվել Գրիգորյանի, Երևանի քաղաքապետ Տարոն Մարգարյանի, Դավթաշեն վարչական շրջանի և ԵԿՄ վարչության անդամ Ռուսլան Բաղդասարյանի կողմից:
Միջոցառմանը ներկա էին ԵԿՄ նախագահ Մանվել Գրիգորյանը, գեներալ, ԱԺ պատգամավոր Սեյրան Սարոյանը, Երևանի քաղաքապետ Տարոն Մարգարյանը, Անտոնիի քաղաքապետ Ժան-Իվ Սենանը, Դավիթաշեն վարչական շրջանի ղեկավար Ռուսլան Բաղդասարյանը, ԵԿՄ Դավթաշեն ՏԲ նախագահ Սարգիս Գրիգորյանը, պաշտոնատար այլ անձինք և հյուրեր ՀՀ մարզերից, Լեռնային Ղարաբաղի Հանրապետությունից, ԱՊՀ երկրներից և սփյուռքից:
Ելույթով հանդես եկան միջոցառման հյուրերը: ԵԿՄ նախագահ Մանվել Գրիգորյանը մինչ ելույթը կատարեց պարգևատրումներ. Դավթաշեն վարչական շրջանի ղեկավար Ռուսլան Բաղդասարյանն պարգևատրվեց «ԵԿՄ 25 տարի» հուշամեդալով, իսկ նրա տեղակալ Արմեն Խաչատրյանը պարգևատրվեց «5-րդ բրիգադ 20 տարի» հուշամեդալով: ԵԿՄ նախագահ Մանվել Գրիգորյանը հանձնեց նաև ԵԿՄ վկայականներ Արցախյան ազատամարտում զոհված հերոսների հարազատներին:
Միջոցառումը նշանավորվեց նաև նրանով, որ Երևանի Դավթաշեն վարչական շրջանի և Ֆրանսիայի Անտոնի քաղաքների միջև ստորագրվեց քույրացման հուշագիր, որով մեկնարկ տրվեց Դավթաշենի և Անտոնիի բարեկամության։ Դրան հաջորդեց բարեկամության ծառատունկը: Երեկ նաև լրանում էր Դավթաշենի 76-ամյակը:
Միջոցառման ավարտին կազմակերպվել էր համերգային ծրագիր:
Աղբյուրը: https://www.facebook.com/media/set/?set=a.1740000352894724.1073741925.1474469219447840&type=3 | 
