“Էրեբունի-Երևան 2797” տոնակատարության առթիվ Երևան ժամանած Դավթաշեն վարչական շրջանի հյուր Ֆրանսիայի Անտոնի քաղաքի պատվիրակությունը՝ քաղաքապետ Ժան-Իվ Սենանի գլխավորությամբ, Հայաստանից հեռացել է բարձր տրամադրությամբ և լավ տպավորություններով: Դավթաշեն վարչական շրջանի ղեկավար Ռուսլան Բաղդասարյանի ուղեկցությամբ, նրանք ծանոթացացել են Հայաստանին փոքրիշատե, որքան թույլ կտար ժամանակը: Նախ հոկտեմբերի 9-ին մասնակցել են Դավթաշեն-Անտոնի քույրացման հուշագրի ստորագրմանը: Այնուհետև Ռուսլան Բաղդասարյանի հետ միասին հոկտեմբերի 10-11-ին ներկա են գտնվել “Էրեբունի-Երևան 2797” տոնակատարությանը: Հոկտեմբերի 12-ին պատվիրակները Դավթաշեն վարչական շրջանի Սամվել Գևորգյանի անվան թիվ 189 դպրոցում մասնակցել են ֆրասերենի բաց դասի: Իսկ մինչ մեկնումը եղել են Սևանա լճում, մոմ վառել ինչպես Սևանավանքում, այնպես էլ Հաղարծնում:
Դավթաշեն վարչական շրջանի ղեկավարը ֆրանսիացի հյուրերին նվիրել է նկար, որն իր տեղը կգտնի Անտոնիի քաղաքապետարանում և կհիշեցնի Դավթաշեն-Անտոնի բարեկամության մասին։
Աղբյուրը: https://www.facebook.com/media/set/?set=a.1212840848731122.1073743536.215640545117829&type=3 | 
